Krouit ho chomlec’h postel e .bzh

Ezhomm ho peus eus ur chomlec’h postel ?

Gant meur a eilgwerzher e vez lakaet ur chomlec’h postel digoust gant marilhadur un anv domani e .bzh. Emañ ar c’hinnigoù-se diouzh an dud prevez pe diouzh ar frammoù bihan (EBT, kevredigezhioù, kluboù sport,…).

Dre weredekaat ho chomlec’h personelaet e c’hellit lakaat en a-raok hoc’h anv pe ho merk, ha n’eo ket hini ho pourvezer postelerezh, gant ur chomlec’h a-seurt gant hoanv-bihan@hoanv.bzh pe darempred@homerk.bzh 🙂

Kavout a reoc’h amañ dindan roll ar burevioù marilhañ a ginnig ar formulenn dreist anv domani + chomlec’h postel digoust :

Ezhomm ho peus eus meur a chomlec’h postel evit ho framm pe ho tud-nes ?

Evit un implij micherel e erbedomp deoc’h ober gant ur voest a zo he barr par da pe brasoc’h eget 5 Go.

Dalc’het hon eus neuze, en hor roll amañ dindan, an eilgwerzherien a respont d’an dezverk ment-se hag a ro an dro da grouiñ meur a voest-posteloù.

Jedet hon eus koust bloaz 3, 5 pe 10 boest-posteloù evit bastañ d’un implij etre.

An argerzhadur treuzkas e-keñver ho pourchas a-vremañ eo ar memes hini hag an hini kinniget uheloc’h.

8 splet ur chomlec’h postel gant hoc’h anv domani hoc’h-unan

1. Micheregezh : implijout ur chomlec’h postel personelaet gant hoc’h anv domani hoc’h-unan (sk. hoanv@hoanv.bzh) a ro ur skeudenn vicherel deoc’h. A bouez bras eo kement-se d’an embregerezhioù rak kreñvaat a ra o c’hreriegezh hag ar fiziañs o deus o arvalien hag o c’hevelerien enno.
2. Prevezded : gellout a ra ar servijoù postelerezh digoust dielfennañ danvez ar c’hemennadoù bruderezh. Dre implijout ur chomlec’h postel personelaet e c’hellit kontrollañ gwelloc’h prevezded ho kemennadoù.
3. Barregezh eñvoriñ : alies e vez aesoc’h eñvoriñ ar chomlec’hioù postel personelaet eget ar chomlec’hioù generek pourchaset gant servijoù digoust. Aesaet e vez ar c’hehentiñ ha graet e vez nebeutoc’h a fazioù bizskrivañ.
4. Peurgontroll : kaout hoc’h anv domani hoc’h-unan a dalvez kement ha peurgontrollañ ar boestoù-posteloù stag outañ. Gellout a rit neuze krouiñ chomlec’hioù postel ouzhpenn evit implijoù a bep seurt (sk. : skor@hoanvdomani.bzh, darempred@hoanvdomani.bzh) ha merañ anezho evel ma plijo deoc’h.
5. Marketing ha skeudenn-verk : evit a sell ouzh an embregerezhioù e vez kreñvaet gant ar posteloù personelaet ar fed ma vez anavezet o merk. Pep kemennad dre bostel a gas da verk hoc’h embregerezh, o harpañ evel-se da vrudañ anezhañ ha d’e lakaat war wel.
6. Surentez kreñvaet : muioc’h a gontroll o deus perc’henned anvioù domani war surentez o chomlec’hioù postel. Gellout a rit lakaat war-sav diarbennoù surentez araokaet evel an dilesadur SPF, DKIM ha DMARC evit dizarbenn an tagadennoù dre besketa.
7. Adlec’hiañ aesaet : Dre implijout ur chomlec’h postel gant hoc’h anv domani hoc’h-unan e vez aesaet an treuzkemm etre meur a bourvezer servijoù postelerezh, rak mirout a rit an hevelep chomlec’h postel pa cheñchit herberc’hier pe reizhiad.
8. Krouiñ aliasoù : gellout a rit krouiñ aliasoù chomlec’hioù postel personelaet, ar pezh a c’hell bezañ talvoudus evit adheñchañ kemennadoù war-du boestoù-posteloù difer pe evit abegoù heuliañ.