Piv omp ?

Ar gevredigezh www.bzh eo Marilh merour an astenn .bzh. Dre zileuriadur an ICANN, aozadur karget da reoliñ Internet e par ar bed, e ra war-dro merañ ha brudañ an tiriad niverel-se gouestlet da Vreizh, d’he sevenadur ha d’he yezhoù.

Kerzhadenn hir ar .bzh

E 2004 e oa bet roet lañs d’ar raktres astenn internet breizhat .bzh ha deuet e oa da wir e 2014 goude dek vloavezh o sevel an teuliad emstrivañ, o tastum an arc’hant ret evit e ginnig dirak an ICANN (aozadur-bed evit reoliañ Internet) hag o respont d’an holl zivizoù gwirel ha teknikel goulennet da gentañ penn.

Goude ma voe gwiriekaet he zeuliad emstrivañ e miz Mae 2013 he doa sinet ar gevredigezh www.bzh, dalc’herez ar raktres .bzh, ur gevrat e miz C’hwevrer 2014 gant an ICANN evit merañ an astenn. Da c’houde, e miz Even 2014, en doa bet ar .bzh e « zileuriadur » da lavaret eo e enskrivadur evit gwir e gwrizienn internet ar bed. Ar c’hentañ lec’hiennoù krouet e .bzh a voe, en un doare arouezius, hini ar gevredigezh hag hini rannvro Breizh d’ar 26 a viz Even 2014.

Eus tu an teknik e kemer harp an astenn .bzh war chemet e geveler, an Afnic, merour ar .fr, evit gwarantiñ ur servij a-feson d’ar burevioù marilhañ eilgwerzher hag a werzh ar .bzh war-eeun d’an embregerezhioù, strollegezhioù, kevredigezhioù ha d’an dud prevez.

Pal ar gevredigezh hep pal arc’hantus a zo startaat he c’hempouez ekonomikel ha gellout, war dermen, postañ he buzadoù e diorren kumuniezh niverel Breizh, en ur deurel evezh a zerc’hel prizioù dedennus evit ar brasañ niver.

Skipailh an dud a-youl vat hag ar c’hopridi

Kuzul-ren a-youl vat ar gevredigezh www.bzh a zo ennañ :

– Prezidant : David LESVENAN
– Besprezidant : Jean-François LE GOFF
– Teñzorer : Patrick BODIO
– Sekretour : Christian DEMEURE-VALLEE
– Kehentiñ : Jakez BERNARD
– Treuzfurmadur niverel : Julie CREDOU
– RTN : Benoît JAOUEN

E skipailh ar c’hopridi eo Laurence LE GOFF renerez ar velestradurezh hag an arc’hant.
Romain PORTAL a ra war-dro ar gontouriezh.